Hlutfall barna sem telja oft eða alltaf hávaða og óróleika vera í kennslustund skal reiknað sem heildarfjöldi barna sem svara "í flestum tímum" og "í öllum tímum" spurningunni "Hve oft gerist eftirfarandi í kennslutímum hjá þér? - Það er hávaði og óróleiki." (teljari) deilt með heildarfjölda barna sem svara spurningunni (nefnari). Niðurstaðan skal margfölduð með 100 og sett fram sem prósenta. Í nemendakönnun Skólavogarinnar má finna svar barna í 6. til 10. bekk við því hversu oft það gerist í kennslustundum að það er hávaði og óróleiki. Svarmöguleikar voru „aldrei eða næstum aldrei”, „í sumum tímum”, „í flestum tímum” og „í öllum tímum”.