Hlutfall barna sem reykja daglega skal reiknað sem heildarfjöldi barna sem svara "1-5 sígarettur á dag", "6-10 sígarettur á dag", "11-20 sígarettur á dag" og "meira en 20 sígarettur á dag" spurningunni "Hve mikið hefur þú reykt að meðaltali síðustu 30 daga" (teljari) deilt með heildarfjölda barna sem svara spurningunni (nefnari). Niðurstaðan skal margfölduð með 100 og sett fram sem prósenta. Í lýðheilsukönnun R&G má finna svar barna í 8., 9. og 10. bekk við því hvort þau reyki og þá hversu oft. Í mælikvarðanum er notast við svör barna í 10. bekk. Svarmöguleikar voru "ekkert", "minna en eina sígarettu á viku", "minna en eina sígarettu á dag", "1-5 sígarettur á dag", "6-10 sígarettur á dag", "11-20 sígarettur á dag" og "meira en 20 sígarettur á dag".