Raf- og varmaorka (GJ) sem framleidd er við skólphreinsun á mann á ári skal reikna sem heildarmagn raf- og varmaorku sem gefið er upp í GJ framleitt með skólphreinsun í sveitarfélaginu (teljari) deilt með heildaríbúafjölda sveitarfélagsins (nefnari) . Niðurstaðan skal gefin upp sem magn raf- og varmaorku (GJ) framleidd úr skólphreinsun á mann á ári. Endurheimt raf- og varmaorka við frárennslisstöðvarnar skal samreiknuð fyrir alla notkun, bæði á framleiðslustað og hjá utanaðkomandi aðilum. Meðhöndlun á frárennsli skal vísa til eðlisfræðilegra, efnafræðilegra og líffræðilegra ferla sem notaðir eru til að fjarlægja, draga úr eða hlutleysa mengunarefni frá frárennsli áður en því er hleypt í vatnshlot. Hreinsun frárennslis getur falið í sér fyrsta, annars eða þriðja stigs meðferð eða skólphreinsun af ennþá hærri stöðlum.